LEGAZPI CITY- Pigtututukan ngunyan kan Department of Education Bicol an mga angat na pigkakahampang para sa paglaog kan mga estudyante sa masunod na pagbubukas kan panibagong school year.
Ini an sa tahaw kan nagpapadagos na aktibidad kan bulkang Mayon.
Segun ki Albay Schools Division Office Spokesperson Froilan Tena sa intrevista kan Bombo Radyo Legazpi na sa presente kinakaipuhan na malinigan an dakol na mga eskwelahan sa banwaan kan Guinobatan asin Camalig makalihis an pagbagsak kan mahibog na abo hali sa bulkan.
Napag-araman na igwa man na nagkapirang classrooms na nangangaipo nin minor repairs.
Sinabi kan opisyal na hasta sa ngunyan, nasa 37 na mga classrooms pa an pigagamit bilang evacuation centers kan mga residente na ipig-ebakwar hali sa danger zones kan bulkan.
