LEGAZPI CITY-Tinawan duon kan sarong Constitutional Law Expert na warang ‘relevance’ an iprinisentar na mga video kan depensa, mapadapit sa nagkapirang personalidad sa pagpadagos kan impeachment trial kontra ki Bise Presidente Sara Duterte.
Sa intrevista kan Bombo Radyo Legazpi kay Constitutional Law Expert Atty. Michael Henry Yusingco, sinabi niyang “political drama” sana ini asin “tagisan nin yabang o pakitang tao”.
Kaipuhan suboot na an mga video igwang koneksyon sa mga testigo na magpapalinag kaini kun nata importante ini sa paglilitis.
An “absence” kan witness na maipaliwanag an mga videos na ini, indikasyon suboot na warang “relevance” ini sa trial.
Sinabi pa ni Yusingco na kumbaga then kumbaga “political drama” o “panggulo” sana an mga videos na ini.
Bako man suboot klarado kun nata pigbuhay kan depensa an mga Statement of Assets, Liabilities, and Net Worth (SALN) nina President Ferdinand Marcos, asin ex-Vice President asin ngonian Naga City Mayor Leni Robredo.
Mientras tanto, sinabi pa kaini na kaipuhan maging impartial an Lady justice, kun sain warang pigpapaburan.
Huli kaini, kaipuhan man na magin impartial kan mga huwes asin mag-appear na impartial.
Alagad, dae suboot ini nahihiling sa mga senador kun sain kabaliktaran sinda, na nagpapahiling kan saindang “partisan inclination”.
Dugang pa niya na “corroborative” an mga pahayag kan defense witness asin bako epektibo para sa depensa.
Sa huri, solamenteng si Vice President Sara Duterte sana suboot an magtataong linaw sa saiya mismong SALN.











