LEGAZPI CITY-Sinabi kan sarong Constitutional Law Expert na puro drama asin pakitang-gilas an nangyayari sa mga nakalihis na impeachment trial.
Segun ki Constitutional Law Expert Atty. Michael Henry Yusingco, sa intrevista kan Bombo Radyo Legazpi, na bako ini an mawot mahiling para sa sarong impeachment trial, kun sain dae nagtetenir sa orihinal na disensyo kan Konstitusyon pati na an senador, council; parehong prosecution asin depensa.
Nagkakaigwa suboot nin political drama, na nanaig digdi asin bako tama ini sa saiyang opinyon.
Dugang pa ni Yusingco, na bako ini an “vision” kan Konstitusyon para sa sarong impeachment trial.
Basado pa sa saiyang pananaw, nalilihis sa totoong orihinal na “design” an paglilitis, alagad dae man suboot maikakaila an nailatag kan prosekusyon an mga ebidensya.
Para saiya, klarado na an mga ini, ngani makumbinse na totoong dae pwedisir magtenir sa saiyang pwesto bilang Bise Presidente si Sara Duterte.
Bilang sarong dating Litigator, nai-presentar suboot kan prosekusyon an mga ebidensya na “unfit” an Bise sa pwesto, partikular sa charge nin dae maipaliwanag na kayamanan.










