Ipig-orgulyo ni US President Donald Trump an labi sa $5 billion dollars na kantidad nin mga armas na inaprubaran kan saiyang administrasyon para sa Pilipinas, kasabay ka pagpapakusog kan ugnayan na pang depensa kan duwang nacion.

Sa bilateral meeting ninda ni Presidente Ferdinand Marcos Jr. sa Malacañang kan Miyerkules, sinabi ni Trump na pinadakula man kan Washington an pondo na itinagama para sa military financing kan Pilipinas.

Sa ibong kaini, dae man tinukoy kung anong armas an kabinana sa nasabing kantidad o kun pira an naihatod na sa nacion.

Sinierto man ni Trump na pinahewas kan Estados Unidos an kapasidad kan saindang defense industry sa paagi kan pagtitindog nin 21 pasilidad ngani na maparikas an produksyon asin mabawasan an paghahalat kan mga kaalyadong nacion sa saindang inorder na mga kagamitang militar.

Padagos na pigpapakusog kan Pilipinas an kakayanan kaini sa pagdepensa sa tahaw kan tensyon sa West Philippine Sea.

An Manila asin Washington an nagkakabuklod sa paagi kan 1951 Mutual Defense Treaty, na nakakasakop sa pagtatabangan kan duwang nacion enkasong magkaigwa armadong pag-atake sa sakop kan kasunduan.

Tinawan duon man ni Marcos na nagtetenir an sarong treaty ally kan Pilipinas an Estados Unidos, kasabay kan pagkomemorar kan duwang nacion sa ika-75 anibersaryo kan saindang kasunduan na pangdepensa ngunyan na taon.