Naatubang sa kritisismo si U.S President Donald Trump makalihis kaining suspendihon an nakatalaan na mga sanksyon laban sa Russa, na may katuyuhan na dagdagan an pangigipit sa ekonomiya sa administrasyon kan Presidente kan Russia na si Vladimir Putin.
Susog sa Associated Press, kinondenar kan mga mambabatas hale sa partido Republikano asin Demokratiko an desisyon, na ginibo antes pa man nagin epektibo an mga sanksyon.
An nasabing sanctions bill pigpasar kan senado sa boto na 86 kontra 11.
Sinabi ni Trump na kaipuhan na pag-adalan an epekto kan mga sanksyon, kaiba na an posibleng epekto sa presyo kan enerhiya sa Estados Unidos.
Sinabi man ni Secretary of State Marco Rubio na pwedesir mag-abot nin 60 aldaw an pagrepaso.
An Presidente kan Ukraine na si Volodymyr Zelenskyy nagpahayag nin paglaom na an mga sanksyon maibalik, mantang an gera kan Russia laban sa Ukraine nagpapadagos.
