LEGAZPI CITY- Aminado an sarong grupo nin mga paraoma na magayon na lakdang an ginibo kan National Food Authority (NFA) na pagtaas kan buying price kan paroy sa P30 kada kilo.

Alagad sinabi ni Federation of Free Farmers Chairman Leonardo Montemayor sa intrevista kan Bombo Radyo Legazpi na hudyan na an lakdang na ini asin dae napapanahon.

Paliwanag kan opisyal na haloy nang natapos an panahon kan anihan asin naipabakal na kan mga paraoma an saindang paroy.

An mga produkto suboot an nasa kamot na kan mga traders kaya dae na makikinabang an mga paraoma sa P30 buying price.

Sinabi ni Montemayor na dapat na mas amay pang ipinaotob an nasabing lakdang ngani na nakatabang pa kuta sa mga paraoma sa nacion.