LEGAZPI CITY-Nangapudan an grupong Federation of Free Farmers sa striktong pag-kontrol, pag-aresto laban sa mga smugglers sa nacion ngani mapauswag an agricultural production sa nacion.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na magayon ining lakdang kan ahensya de gobierno asin welcome development ini para sa sainda.
Alagad, sinabi niya na dapat amay pa sana, pigdadangog na an siring kaining problema.
Medyo nahudyan suboot ini huli sa mas pinakusog na ley na Republic Act No. 12022 o an Anti-Agricultural Economic Sabotage Act.
Pigkwestyon man niya na nata ngonian sana ini pinirmahan kan mga ahensya mantang haloy nang naglalakop an smugglers sa nacion, duwang taon na an nakakalihis.
Dugang pa kan opisyal na importante an pagsugpo sa smugglers huli ta apektado kaini an mga paraooma asin an saindang produksyon.
Siring man, posibleng maapektaran kaini an mga produkto asin namamanwaan, orog na kun dai ini nag-agi sa quarantine asin igwang darang virus o diseases na pwedisir makahawa sa mga hayop, pananom, magin sa mga namamanwaan.
