LEGAZPI CITY- Aminado an sarong grupo nin paraoma na nagtetenir na hibaba an presyo kan imported na bagas sa nacion.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na sa presente dae ipinagbabawal kan gobierno an importasyon ngani na matugunan an suplay kan pagkaon sa nacion.
Alagad nagpahayag nin pagkahadit an opisyal na posibleng maka apektar sa mga lokal na paraoma kun magpapadagos an importasyon nin bagas sa panahon kan anihan puon Setyembre hasta Disyembre.
Paliwanag kan opisyal na magreresulta na naman ini sa hibabang ganansya o dagos na pagkalugi kannagkapirang local farmers.
Basado sa pagkakarkulo kan nasabing grupo, taun-taon na dakol na mga paraoma an nagsasapar sa pagkalugi sa saindang pagtatanom.
