LEGAZPI CITY- Pigkakarkulo na posibleng bumaba nin nasa 20% an produksyon kan paroy sa nacion huli sa matinding init kan panahon.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na basado sa saindang kalkulasyon, kun mabagsak nin 20% an palay production sa ika-duwang semerter kan taon asin 6% sa enot na semester, posibleng magresulta ini sa pangangaipo na mag-angkat nin nasa 5.5 million metric tons nin bagas.
Ini an ngani na mapunuan an kakulangan sa nacion asin dae maubusan nin suplay.
Mas halangkaw an nasabing numero kumparar sa nasa 3.5 million metric tons na inangkat kan nakalihis na taon.
Ipigkakahadit pa kan grupo kun lumala an sitwasyon asin bumagsak nin hasta sa 50% an palay production, posibleng lumobo man sa 7 million metric tons an kinakaipuhan na angkaton.
Dagdag pa ni Montemayor na saro sa mga problema, iyo an posibilidad na limitaran man kan pinag-aangkatan na mga nacion an saindang exports ngani na inuton an pangangaipo kan saindnag mga namamanwaan.
Huli digdi, nangapudan an grupo sa gobierno na mas pakusugon man an suporta sa mga lokal na paraoma sa tahaw kan posibleng epekto kan tag-init asin epekto kan tensyon sa Middle East.
