LEGAZPI CITY – Magkakaigwa nin dakulang protesta an Kilusang Mayo Uno asin iba pang sektor sa pag-abot ni US President Donald Trump para sa ASEAN Summit.
Segun ki Kilusang Mayo Uno Chairperson Jerome Adonis, sa intrevista kan Bombo Radyo, tulong rason an saindang pagtutol, kabali an dai pagtubod na masosolusyunan kan ASEAN an hababang sahod, kontraktwalisasyon, asin kahirapan kan mga Pilipino.
Pigpaliwanag niya na tutol man sinda sa Pax Silica initiative na itutugdok sa Tarlac sa irarom kan Luzon Economic Corridor Plan huli ta makakaraot suboot ini sa kapalibutan, makakaapekto sa tubig, asin makakadisplaced sa rinibong paraoma.
Dugang pa niya, dai ini makakagibo nin milyon na trabaho huli ta an sarong data center, masobra sana sa 100 an empleyado, mantang mas dakul an mawawaran nin kabuhayan.
Pigdoon niya na military zone suboot ini na mag-iimbak nin chips para sa militar kan US, kaya delikado suboot ini sa soberanya kan nacion.
Huli digdi, magtitiripon an mga obrero, paraoma, katutubo, asin iba pang sektor hale sa Southern Tagalog, Central Luzon, asin NCR para sa mapayapang rally sa Nobyembre 16 asin 17 harani sa Philippine International Convention Center (PICC).
