Sa tahaw kan pambabatikos kan mga lokal na progresibong grupo laban sa inisyatibang Pax Silica kan Estados Unidos, nakisumaro an pirang internasyunal na aktibista siring ni Swedish climate activist Greta Thunberg asin at Australian missionary Sister Patricia Fox sa pangapudang, “Reject Pax Silica.”
Sa likod kan nasabing proyekto, na segun sa gobierno kan US an matao nin manlaen-laeng benepisyo sa teknolohiya, trabaho, asin ekonomiya kan nacion, haloy nang pigtutuyaw an nasabing proyekto huli sa iookupar na 1,620 ektaryang daga sa New Clark City na nakatalaang patindugan kan sarong AI industrial hub.
An nasabing kadagaan kaya an nagsisirbing sagradong istaran sa komunidad kan Aeta asin makakaraot sa likas na yaman kan nasabing lugar kun kaya nakisumaro an bistong Swedish environmentalist asin climate activist na si Greta Thunberg kontra digdi.
“Labor, land, and minerals should serve the people and the planet, not fuel the wars and ambitions of imperialist powers,” saad ni Thunberg.
Katakod man ini an paparaning 49th ASEAN Summit kun sain piglalaoman an pag-atendir kan pirang internsyunal na delegado sa likod kan proyekto, kabale si US President Donald Trump.
Mantang kinumpirmar na kan gobierno na warang anumang pagpirma o kasunduan na mangyayari mapadapit sa Pax Silica sa nakatalaang pag-oolay, dae nagpapatinag an pag-apela kan nagkapira digdi.
Afuera man ki Thunberg, nakisumaro man sa pagkontra an Australian missionary sister asin human rights defender na si Sister Patricia Fox.
Pigheras man kaini an saiyang pakikisumaro laban sa pag-atendir ni Trump sa nacion asin sa nasabing proyekto kan Estados Unidos huli sa lakdang sana ini kan pananakop sa ekonomiya asin militar, maging sa pananamantala sa likas na yaman kan nacion, kun sain kinondena man ni Sister Fox ang pakikisumaro kan Australian Prime Minister na si Anthony Albanese sa nasabing inisyatiba.
“I raise my voice in solidarity with all those protesting the visit of [US President Donald] Trump to the Philippines and particularly the plan to implement the Pax Silica. This is just another step in the U.S. military and economic domination of both the Philippines and the region,” seguns sa madre.
“I also condemn the Australian Prime Minister who had presence in the Philippines and has signed up to Pax Silica. I assure you, we also here in Australia are protesting this and working to stop it,” dagdag ni Fox.
