LEGAZPI CITY-Nauli sa trahedya an saro kutang bakasyon kan tulong indibidwal, makalihis malamos ini sa kadagatang sakop kan Barangay San Rafael sa Sta. Magdalena, sa provincia kan Sorsogon kan Miyerkules, Nobyembre 4, 2026.
Susog sa report kan Philippine Coast Guard Bicol, an mga biktima, edad 18, 25, asin 42-anyos na nagbabakasyon sa nasabing lugar durante kan Undas break, kan anudon ini kan makusog na hukol mantang sinda naglalangoy pasado alas 9:00 nin pagka-aga.
Sinabi kan mga awtoridad na duwang lalaking biktima an nagligtas sa sarong babaeng biktima na enot nang nameligro sa kadagatan.
Sa sarong pahayag sinabi kan Coast Guard District Bicol (CGDBCL) na inabot an mga biktima nin makukusog an hukol na nagresulta sa insidente.
Tulos man na nagsagibo man an mga otoridad nin search and rescue operations makalihis maresibe an report.
Mientrastanto, dinara na an mga hawak kan biktima sa sarong punerarya sa Matnog, Sorsogon.
Huli digdi, nagpagirumdom an mga Coast Guard District Bicol sa publiko na mag-ingat sa mga aktibidad na may kinaaraman sa katubigan asin likayan an mga lugar na igwang makukusog na hukol o current kan tubig.
