LEGAZPI CITY-Ipig-orgulyo kan Philippine Drug Enforcement Agency (PDEA) Bicol an matrayumpong pagkakadakop sa target listed personality na imbuelto sa iligal na droga.
Segun ki PDEA Bicol Spokesperson Carlo Fernandez III, sa intrevista kan Bombo Radyo Legazpi na binisto an suspetsado na si alyas “Pale”, 32-anyos, construction worker asin residente kan Kenny Village, sa Barangay Maurao, Guinobatan, Albay.
Nakumpiskar sa suspek an 25 gramos nin pinagtutubudang shabu na igwang kantidad na nasa P170,000.
Naarestar ini sa ikinasang operasyon kan mga otoridad sa Barangay 69, Buenavista, Legazpi City, katuwang an iba pang law enforcement agencies.
Ika-sampulo an suspetsado sa regional target-listed personality kan mga otoridad na igwang kinaaraman sa pagpapabakal nin iligal na droga.
Mahahampang an suspetsado sa pagbayolar sa Section 5 kan Comprehensive Dangerous Drugs Act of 2002 huli sa pagpapabal nin droga.
Pirang bulan man suboot an isinagibong case build-up kan kapulisan antes na masakote an suspetsado.
Sa presente, nasa kustodiya na ini kan kapulisan asin pig-preparar na para sa iba pang proseso kan kaso.
Tinawan doon kan opisyal na dakulang tabang an pagkakaaresto sa mga ini, huli ta mas natatawan nin posibilidad na tuluyang mawara an droga sa mga komunidad sa rehiyon.
Nagpatanid man siya sa gabos na imbuelto sa iligal na droga, na magbago na asin dai na magsagibo pa nin mga iligal na aktibidad.
