Nakapagrehistro na nin very strong El Niño sa tropical Pacific na piglalaomang makawsa nin labing init sa Pilipinas hanggang sa enot na parte kan 2027, susog sa Philippine Atmospheric, Geophysical and Astronomical Services Administration o PAGASA.
Segun ki PAGASA Climate Monitoring and Prediction Section Chief Ana Liza Solis sa pagdinig kan House Committee on Agriculture and Food, piglalaomang mapadagos an El Niño hanggang sa enot na quarter kan 2027 asin posibleng maabot ang pinakahalangkaw na antas antes matapos ang 2026.
Posible mang magpadagos an mga epekto ikaini hanggang sa first half kan 2027, kabilang an paglangkaw kan temperatura sa bilog na nacion hanggang 2 degrees Celsius.
Basado sa climate outlook kan PAGASA, piglalaomang makawsa an haloy na kakulangan kan uran nin tagmara asin mas halangkaw an temperatura sa iba’t ibang parte kan nacion.
Nilinaw kan ahensya na posible man liwat na magkaigwa nin mga bagyo asin makukusog na pag-uuran sa ibong kan umiiral na El Niño.
Mientrastanto, ini-report kan Department of Social Welfare and Development na nasa 356,800 indibidwal na ang naapektaran kan El Niño kan Oktubre.
Nag-abot man sa labi P8.57 bilyon ang danyos sa sektor nin agrikultura huli sa nasabing weather phenomenon, susog sa Department of Agriculture.
