Uminarangkada si Filipina tennis star Alex Eala sa Hong Kong Tennis Open makalihis daogon an Australian player na si Emerson Jones sa saindang Round of 32 match kan Martes.
Nakua ni Eala an trayumpo sa straight sets sa score na 6-4, 6-3, tanganing makalaog sa Round of 16 kan Women’s Tennis Association (WTA) 250 tournament.
Ipinahiling kan presenteng World No. 17 an saiyang agresibo asin kontroladong kawat puon sa enot na set hasta sa ikaduwa, na nagresulta sa saiyang dominasyon sa laban.
Huli kan kapangganahan, mas lalo pang naglangkaw an kumpiyansa ni Eala para sa masunod na mga laban sa torneo.
Susunod niyang makakahampang an Czech player na si Tereza Valentova ngonian na Nobyembre 5, alagad pighahalat pa an opisyal na kumpirmasyon kan schedule kan saindang laban.
