Laog na sa semifinals kan Hong Kong Open si Pinay tennis star Alex Eala makalihis daugon an Croatian player na si Antonia Ruzic sa straight sets, 7-6, 7-5, sa saindang quarterfinal match.
Nagin dikdikan an enot na set makalihis magribayan nin magagayon na rallies asin puntos an duwang player.
Nag-abot sa tiebreak ang laban kun sain nakalamang si Eala, 5-0. Mantang nakahabol si Ruzic asin nag-abot sa 7-6 ang iskor, nagibong tapuson ni Eala an set sa 8-7.
Nagpadagos an kawat sa second set, kung saen enot na nakalamang si Eala sa 4-2. Paramientras na napundo an kawat huli sa pag-uran antes liwat ining ipinagpadagos.
Nakabawi si Ruzic asin nakapagrehistro pa nin 1 kalamangan sa score na 5-4, padikit-dikit na binawi ni Eala an kalamangan, asin liwat na nangenot sa mga huring puntos nganing selyuhan an pagkagana sa ikaduwang set, 7-5.
Antes makalaog sa quarterfinals, enot na dinaog ni Eala si Emerson Jones sa Round of 32, sinundan ini kan pagkagana laban ki Tereza Valentova sa Round of 16, asin an huri an saiyang trayumpo kontra kay Ruzic sa quarterfinals.
Sa pagkaganang ini, magpapadagos an kampanya ni semi finals kan Hong Kong Open, asin sunod man niyang makakahampang ang 4th seed player na si Maria Sakkari.
