Iginiit ni Senador Panfilo Lacson na dapat tawan nin hustong due process si Senador Ronald Bato Dela Rosa asin pabayaan na humampang sa paglilitis sa International Criminal Court (ICC), imbes na malaag an saiyang buhay sa peligro.
Segun ki Lacson sa saiyang pahayag kasuodma, Nobyembre 3, an kahulugan kan due process iyo an pagtao nin oportunidad ki Dela Rosa na atubangon an mga akusasyon laban sa saiya sa tamang korte, asin bako an pagpalagpas na mauli sa kadahasan o sa mas grabeng trahedya.
Paliwanag pa kan senador, kun papabayaan na humampang si Dela Rosa sa ICC, masisiguro na magigin marahay, legal, asin organisado an proseso, mantang malilikayan an anuman na tensyon o komprontasyon na pwedesir mangyari kun pipiriton na dakupon siya sa ibang paagi.
Dagdag pa ni Lacson, parte kan tunay na hustisya an pagtao nin pantay na pagkakataon sa lambang akusado na idepensa an sadiri, asin ini mismo an esensya kan due process na dapat igalang kan gabos.
Magigirumdoman na nahahampang si Dela Rosa sa orolay sa ICC manungod kan saiyang nagin papel bilang dating hepe kan Philippine National Police (PNP) sa implementasyon kan kampanya kontra droga kan administrasyong Duterte.
