Nangapodan an mga biktima kan war on drugs na arestuhon na asin darahon sa International Criminal Court (ICC) si Sen. Bato Dela Rosa.
Segun ki Atty. Gilbert Andres, ICC Common Legal Representative for Victims, dapat nang ipatupad kan administrasyon ni Pangulong Marcos an arrest warrant laban sa senador.
Afuera sa pag-aresto, hinahagad man kan mga biktima na i-surrender tulos si Dela Rosa sa The Hague, Netherlands.
Sa ngonian, padagos na pighahanap kan mga awtoridad an senador makalihis magluwas an warrant hali sa ICC.
Nagkaag na man nin P50-milyon na pabuya an Department of Interior and Local Government (DILG) para sa siisay man na makapagturo kan lokasyon ni Sen. Bato.
Si Dela Rosa an saro sa mga pigngaranan na co-perpetrator ni dating Pangulong Duterte sa kasong crimes against humanity manungod sa madugong war on drugs.
