Dapat na suboot ikonsiderar bilang global health emergency an matinding init o halangkaw na heat index, segun sa pag-aadal kan sarong respetadong medical research journal.
Basado sa pag-aadal poon 2016 hasta ngonian, dakula an epekto kan climate change sa salud kan tawo, na sinuportaran man kan datos kan World Health Organization (WHO) na an pagbabago kan klima dakulang peligro sa buhay, lalo na sa mga nacion arog kan Pilipinas.
Sa ngonian, padagos an pagirumdom kan state weather bureau manungod sa heat index forecast sa nacion.
Nairehistro an 43 degrees Celsius na heat index sa Bacnotan, La Union; Iloilo City; Dumangas, Iloilo; Mambusao, Capiz; asin Butuan City, Agusan del Norte.
Huli kaini, pig-abisuhan an publiko na mag-inom nin bastanteng tubig asin magkaag nin sunblock kun maluwas nin harong poon alas-10 nin aga hasta alas-4 nin hapon.
Pinapagirumdom man na likayan an direktang pagbalad sa saldang tangani makaiwas sa heat-related illnesses.
