Nasa huring preparasyon na an kapulisan para sa 49th ASEAN Summit na gigibohon sa Pilipinas sa Nobyembre 16 hasta 18, 2026.
Kumpirmadong maatendir an mga lider kan 11 nasyon kan ASEAN sa pangengenot ni President Ferdinand Marcos Jr., kaiba si US President Donald Trump asin iba pang representante kan allied nations.
Preparado nang ide-deploy an nasa 12,600 na personahes kan pulis sa manlaen-laen na importanteng lugar asin pasilidad.
Posible pang madagdagan an numerong ini depende sa pangangaipo kan sitwasyon, susog ki NCRPO Spokesperson Lt. Col. Hazel Asilo.
Kaiba kan PNP an mga allied agencies asin iba pang ahensya kan gobyerno para sa pinakusog na seguridad.
Itataas man sa full alert status an bilog na hanay kan kapulisan mantang harani na an petsa kan pagtiripon.
Katuyuhan kan gabos na lakdang na masiguro an katoninongan para sa matrayumpong pagdaraos kan summit.
