LEGAZPI CITY- Bilang parte kan mas pinakusog na pagbabantay kan kapulisan ngonian na Undas 2026, personal na nagsagibo nin on-site inspection si PCOL Noel Donato Nuñez, Provincial Director kan Albay Police Provincial Office, dakong alas-11:49 nin aga, Nobyembre 1, 2026.
Pigbisita kan Provincial Director an duwang mayor na kamposanto sa ciudad, an Tabaco Chinese Cemetery asin Tabaco Catholic Cemetery, na parehas namumugtak sa Barangay Cobo, Tabaco City.
Katuyuhan kan pagbisita na aktuwal na mamonitor an sitwasyon sa mga nasabing sementeryo, masierto an presensya asin kahandaan kan mga pulis na naka-deploy, asin mahiling an mahigot na implementasyon kan mga lakdang sa seguridad para sa rinibong mga namamanwaan na piglalaoman na mabisita tanganing romdomon an saindang nagadan na mahal sa buhay.
Sa paagi nin personal na inspeksiyon asin padagos na koordinasyon sa mga police units sa bilog na Tabaco asin probinsya nin Albay, pigsisierto kan liderato kan Albay PPO na an pag-obserbar nagdadanay na marahay, matoninong, asin ligtas.
Kaiba sa binantayan an marahay na daloy nin trapiko, pagbabawal sa mga ipinagbabawal na kagamitan sa laog kan kamposanto arog kan alak asin matatarom bagay, asin marikas na pagresponde sa anuman na pangangaipo o insidenteng pwedesir makaapektar sa kaligtasan kan publiko.
