LEGAZPI CITY-Labi sa 37,000 na pasahero an nairehistro sa mga pantalan sa bilog na nacion sa enot an anom na oras kan All Saints’ Day, ngonian na aldaw nin Domingo, Nobyembre 1, segun sa Philippine Coast Guard (PCG).
Basado sa datos kan ahensya, nasa 19,669 na pasahero an naghale sa mga pantalan, mantang 17,644 an nag-abot poon alas 12 nin udto sagkod alas 6 nin aga.
Bilang parte kan “Oplan Biyaheng Ayos” ngonian na Undas 2026, nagkondusir man nin inspeksyon an PCG sa 161 barko asin 160 motorbanca ngani masierto an kaligtasan kan mga maritime vessels.
Nagdeploy man an ahensya nin 6,153 na personahes sa mga pantalan sa bilog na nacion asin nagtao nin alerto sa mga distrito asin istasyon kaini ngani na masierto an kaligtasan kan mga pasahero sa tahaw kan piglalaoman na paglangkaw kan mga biyahero.
