LEGAZPI CITY- Naarestar kan mga otoridad an sarong Street-Level Individual sa ikinasang buy bust operation sa Barangay Morera, Guinobatan, Albay.
Nabisto an suspek na si alyas Bok, na residente kan nasabing lugar.
Naarestar an suspek kan pinagsarong pwersa kan Guinobatan Municipal Police Station asin Albay First Provincial Mobile Force Company, sa pakikipag koordinar sa Philippine Drug Enforcement Agency Regional Office 5.
Nakumpiskar digdi an poco mas o menos 4.976 gramo nin pinagtutubudan na shabi na igwang standard drug price na P33, 836, buy bust money asin sarong unsealed plastic sachet.
Segun sa Albay Police Provincial Office na resulta ini kan padagos na kampanya kontra sa iligal na droga asin pagmamantenir na salbado kan komunidad.
