Sa pagdangog kan Senado ngunyan na aldaw, Oktubre 21, para sa panukalang budget kan Department of Agriculture para sa 2027, tinawan-doon ni Senate Committee on Agriculture Chairman Sen. Francis ‘Kiko’ Pangilinan na dapat tawan prayoridad an tubig asin irigasyon.
Segun kay Pangilinan, kaipuhan masiguro an sapat na suplay nin tubig asin mapakusog an mga pasilidad sa irigasyon, lalo na ngunyan na may banta nin matinding El Niño na makakaapektar sa produksyon nin pagkakan asin kabuhayan kan mga paraoma asin parasira.
Hinagad man kan Senador an agarang tabang para sa mga apektadong paraoma asin parasira.
Afuera sa pagpreparar sa El Niño, bubusision man ni Pangilinan an paggamit kan pondo kan ahensya ngonian na 2026, kabali an mga pondong dai pa nagagamit, asin an problema sa agricultural smuggling.
Tinukar man an epekto kan iriwal sa Middle East – partikularmente an tensyon kan Iran, US, asin Israel – sa gastos sa produksyon asin presyo kan mga produktong agrikultural.
