LEGAZPI CITY-May patanid an Bureau of Fire Protection (BFP) Masbate sa publiko asin sa saindang residentes mapadapit sa pag-iwas sa insidente nin kasulo tuyong tag-init.
Segun ki BFP Masbate Public Information Officer Fire Officer 1 Reden Invento, sa intrevista kan Bombo Radyo Legazpi na dapat ngonian pa sana mag-ipon na nin tubig, asin dae dapat 24 oras na nakabukas an aircon o electric fan asin mga kagamitan huli sa tendency kan kasulo.
Siring man na pinapatanidan na dae magtapok nin mga upos kan sigarilyo huli ta mas “dry” an kapalibutan, na posibleng mag-trigger nin kalayo.
Sa ibong kaini, preparado man sindang magtao nin rasyon nin tubig gamit an saindang mga fire trucks.
Alagad, dakulang angat sana an pagkaraot kan mga ini, kaya nakikipag-koordinar na sinda sa regional office asin pinaglalaomang makakaresibe nin bagong mga ekipahe.
Mientras tanto, mas papahigoton man ninda an saindang kampanya laban sa paputok, asin inspeksyon sa mga dekorasyon sa saindang provincia
