LEGAZPI CITY — Nag-apela si Bise Presidente Sara Duterte para sa mas komprehensibong pagpreparar para sa posibleng epekto kan “Super El Niño” sa nacion.
Ipig-duon kan BIse na dae ini mareresolberan sa simpleng pagtipon nin uran sa mga balde asin timba, arog kan suhestiyon ni President Ferdinand Marcos Jr.
Sa saiyang pagtaram sa selebrasyon kan Araw ng Baungon sa Bukidnon kan Miyerkules, nagpatanid si Duterte na an matinding init asin pagmara kan mga salog pwedisir maging peligro sa mga paraooma, produksyon sa agrikultura, suplay nin pagkakan asin iba pang sektor.
Sinabi pa niya na an mga paraooma dapat magpreparar nin mga materyales sa pagtanom na kayang makaligtas sa tag-mara asin makagibo nin contingency plans para sa posibleng pagkaputol kan suplay nin irigasyon.
Nagpatanid man siya na an ordinaryong Pilipino an pwedisir magdara kan gabat kan pagbaba kan produksyon sa agrikultura sa paagi kan mas halangkaw na presyo nin pagkakan.
Naenot nang ipinagtanggol kan Malacañang an suhestiyon ni Marcos na an mga Pilipino magtipon nin uran sa mga balde asin timba bilang pagpreparar sa posibleng epekto kan Super El Niño.
An suhestiyon nakaresibi nin kritisismo sa social media, kun sain an ibang users nag-apela para sa mas komprehensibong simbag kan gobierno sa posibleng epekto kan Super El Niño.
An El Niño sarong climate phenomenon na imbwelto an pag-init kan tubig sa ibabaw sa central asin eastern tropical Pacific Ocean.
Sa Pilipinas, pwedisir ining magkontribwir sa mas hababa sa normal na uran, mas mainit na panahon asin tag-mara.
