LEGAZPI CITY-Padagos an pigsasagibong monitoring kan Bureau of Fisheries and Aquatic Resources (BFAR) Bicol sa mga parasisira sa rehiyon mapadapit sa huma kan El Niño.
Segun ki BFAR Bicol Information Officer Wheng Brecia-Briones, sa intrevista kan Bombo Radyo Legazpi na naka-andam an sektor kan pangisdaan sa paglangkaw kan temperatura kan tubig, magin sa pagbabago sa kondisyon kan katubigan na posibleng makaapekto sa survival kan sira asin sa iba pang aquatic resources.
Naglatag naman sinda nin paghahanda manungod sa mga preparasyon ngani mabawasan an peligro kaini sa mga parasisira.
Pig-aabisuhan man kan opisyal an mga parasisira na magin mapagmatyag sa kondisyon kan saindang pangisdaan asin siertuhon na dai ini makakaapektar sa quality kan tubig.
Sa presente, wara pang report manungod sa danyos sa sektor asin sierto pa an seguridad kan mga ini.
Pig-eenganyar man niya an gabos na mga parasisira na makipag-koordinar sa gobierno ngani makabilog in rehabilitation asin recovery intrevention na isusumiter sa saindang central office para sa posibleng paglatag nin pondo asin iba pang mga prepasyon.
