Nanindugan si Senator Risa Hontiveros laban sa pangungutya sa mga PWD kasunod kan kontrobersiya sa sarong podcast channel na suboot ginibong katatawanan an kapansanan ni Josh Aquino, an aki kan aktres na si Kris Aquino.
Tinawan doon ni Senador Risa Hontiveros na dae dapat gibohong punchline o katatawanan an kalagayan kan mga tawong may kapansanan.
Segun kay Hontiveros, bako katanggap-tanggap an pangungutya asin pangmamaliit sa mga persons with disabilities o PWDs, anuman an platapormang pinaggagamitan kaini.
Sinaysay man kan senador na pigbibisto kan mga ley sa nacion an dignidad kan kada namamanwaan, kaiba an mga tawong igwang kapansanan.
Bilang halimbawa, binanggit niya an ‘National Autism Care, Support, and Inclusion Act’ na saiyang pigbusol kasabay kan iba pang mga ley asin propwesto na obhetong labanan an diskriminasyon asin pakusugon an proteksiyon kaiba an mga bulnerableng sektor.
Nanngapudan man siya sa mga tawong igwang halawig na impluwensiya sa social media asin iba pang plataporma na maging responsable sa saindang mga pahayag asin konteksto.
