LEGAZPI CITY-Tinawan doon kan sarong Transport group na dapat mas amay kuta na pinag-aadalan kan LTFRB an propwestong taas-pamasahe.
Segun kay Sorsogon Integrated Transport Federation President Ramon Dealca, sa intrevista kan Bombo Radyo Legazpi na haloy na ining pigpapangapudan kan sektor kan transportasyon.
Sinabi pa niya na nahihiling ngonian kan gobierno an paglangkaw asin pagbaba kan presyo, kun kaya planong iimplementar an taas-pamasahe.
Pig-agrangay man niya na dapat kaito pa sinda nagtabang kun mawot ninda, huli ta naglobo na an presyo kan produktong petrolyo.
Suhestyon man niya na ipaotob ini huli ta kinakaipuhan asin dakulang danyos na an resulta kan gera sa Middle East, na mismong gobierno an nagsasabi kaini.
Dagdag pa ni Dealca na dai man hasta ngonian kadakol pa an dai nakakaresibe kan ayudang P5,000 para sa sektor kan transportasyon.
