LEGAZPI CITY- Posibleng dae makisumaro sa an transport group sa Sorsogon sa ikakasa na duwang aldaw na tigil pasada kan Condor Piston Bicol sa Setyembre 29 hasta 30.
Segun ki Sorsogon Integrated Transport Federation President Ramon Dealca sa intrevista kan Bombo Radyo Legazpi na nasa kooperatiba na sinda ngunyan kaya difisil na magsabay sa kaparehong mga transport strike.
Dagdag pa kaini na habo ninda na madifisilan an mga commuters kun warang malulunadan an mga ini.
Sa ibong kaini, sinabi kan opisyal na magkakaigwa sinda nin mga pag-oolay sa gigibuhon na lakdang ngani na maski papano an makapagpahiling man liwat nin suporta sa mga padagos na nakikipaglaban kontra sa padagos na paglangkaw kan presyo kan produktong petrolyo.
Paliwanag kan opisyal na dae ninda pigpapasipara an kamawotan kan mga pag-iriba urog na ngunyan na dakol na mga drivers asin operators an nag-aagrangay sa tahaw kan paglangkaw kan presyo kan langis na nagreresulta sa kawaran nin ganansya kan mga nasa sektor kan transportasyon.
