LEGAZPI CITY- Welcome development para sa nagkapirang grupo nin transportasyon an duwang magkasunod na big-time rollback sa presyo kan produktong petrolyo.
Segun ki Sorsogon Integrated Transport Federation Ramon Dealca sa intrevista kan Bombo Radyo Legazpi na maski papano, makakadugang sa ganansya kan mga drivers an nasabing tapyas sa presyo.
Alagad naglalaom an mga ini na magpapadagos pa an rollback sa presyo kan produktong petrolyo urog na ngunyan na maabot na Pasko ngani na maski papano, igwang mai-uli an mga drivers para sa saindang pamilya.
Segun sa opisyal na na dapat na maibalik man maski P60 an presyuhan kan diesel ngani na makabangon an kabuhayan kan mga nasa transport sector.
Mientras tanto, tinuyaw man ni Dealca an nagkapirang kumpanya nin langis na haros habo magsunod sa rollback asin utay-utay an ipigbabawas sa presyo.
Katakod kaini, inenganyar kan grupo an mga ahensya de gobierno na higutan pa an monitoring huli ta dakol an mga nagbabayplar sa tamang presyuhan.
Ipinunto man kaini an mga kumpanya na nagsasagin-sagin na out of stock ngani sana na dae makapagpabakal nin langis sa baratong presyo, maski pano man an saidang mga tangke.











