LEGAZPI CITY-Kumpirmado kan Office of the Vice President (OVP) na si Vice President Sara Duterte nasa overseas trip na igwan mga nakatakdang aktibidad sa Qatar, United Kingdom, asin Netherlands.
Kaiba digdi an pag-atendir sa sarong forum, pakikipag-koordinar sa Filipino community, asin iba pang gibuhon.
Segun sa OVP, warang gagamiton na pondo an gobierno para sa bilog na biyahe kan Bise Presidente.
An saiyang paghale, nangyari kasabay kan saiyang impeachment trial sa Senado.
Sa pagdangog ngonian na aldaw, naghampang bilang huring testigo kan prosekusyon si NBI Director Melvin Matibag para sa Article IV kan impeachment complaint laban sa Bise Presidente.
Kan nakalihis na aldaw, nagpaluwas man nin subpoena an impeachment court para sa mga bank records, tax documents, asin Anti-Money Laundering Council (AMLC) files ni Duterte, katakod kan Article II na nagtatalakay sa suboot dai maipaliwanag na yaman ni VP Sara Duterte.
