LEGAZPI CITY- Nagpatanid an Legazpi City Police Station na igwang paninimbagan sa ley an siisay man na nagsasagibo nin bomb threat o bomb joke.
Ini an sa irarom kan Presidential Decree No. 1727 o Anti-Bomb Joke/Threat Law.
Kasunod ini kan naresibeng bomb threat kan sarong eskwelahan sa ciudad kan Legazpi.
Segun ki Pol. Lt. Col. Arthur Tagtag, Officer in-charge kan Legazpi City Police Station sa nagin intrevista kan Bombo Radyo na ipinaagi an nasabing bomb threat sa sarong facebook page.
Katakod kaini, tulos man na nagsagibo nin inspeksyon an mga kapulisan sa nasabing institusyon asin nag-negatibo man ini.
Segun sa hepe na an mga siring kaining huma an dae pigpapasipara kan mga otoridad.
Dugang pa kaini na kun mati-trace asin siisay man imbwelto sa nasabing huma an tulos na papanimbagon.
