LEGAZPI CITY—Sarong welcome development suboot para sa Filipino Nurses United an pagbubutas ni dating Department of Health secretary Teodoro Herbosa bilang kalihim kan nasabing ahensya.
Segun ki Filipino Nurses United President Jocelyn Andamo, sa intrevista kan Bombo Radyo Legazpi, na afuera pa sa agrangay kan health workers sa saindang kamugtakan an dae man ninda nahiling na naresolbaran kaini an pagtaas sa saindang sweldo.
Si Herbosa man suboot an simbag sa dakulang kwarta na nadadawit kaiba na an kaso sa Super Health Center asin may kinaaraman sa mga bulong asin bakuna.
Pagdoon niya na naghali si Herbosa sa tahaw kan mga alegasyon nin kurapsyon alagad bako suboot ibig-sabihon kaini na abswelto na an dating kalihim sa saiyang mga kaso.
Pangapudan kan grupo na manimbag an dating opisyal sa saiyang mga kasong pigkahampang huli sa an pighahalat kan namamanwaan iyo an saiyang paninimbagan.
