LEGAZPI CITY-Pig-eenganyar kan Philippine Institute of Volcanology and Seismology (Phivolcs an publiko na posibleng ma-access sa paagi kan sarong website ngani madertiminar an hazard kan saindang lugar.
Segun kay Phivolcs Chief of the Seismological Observation and Earthquake Prediction Division Dr. Winchelle Ian Sevilla, sa intrevista kian Bombo Radyo Legazpi na posibleng magamit an hazardhunter.georisk.gov.ph ngani maaraman kun igwang mga hazard sa lugar asin maaraman kun gurano kaharani sa sarong active fault line.
Huli ini sa sunod-sunod na naeeksperyensyahang mga aftershocks poon kan Hulyo 5, kun sain nairehistro an pagyugo sa parte kan Southwest sa Sto. Domingo, Albay.
Paliwanag ni Sevilla na an siring kaining pagyugo na harani sa sentro, maikokonsiderang mga aftershocks.
Mientras tanto, dai man suboot ini mahaloy nin pirang bulan, alagad posible pa sa masunod na aldaw o semana.
Tinawan doon man kan opisyal na maluluya asin saradit ini asin dai man pinaglalaoman na magkusog ini kumparar sa nangyari kan Hulyo 5.
Sa kabilugan, igwang pigkakarkulong 30 aftershocks na an nairecord kan ahensya.
Abiso kan opisyal na siertuhon na matibay an kaharongan, mga building, orog na an mga imprastraktura.
Pagirumdom man kan opisyal sa publiko na dai magkuwa nin impormasyon sa mga bako kapani-paniwalang ahensya ngani maibitaran an pag-panic huli sa fake news.
