LEGAZPI CITY-Ipighayag ni Atty. Michael Poa na bako kasalan kan defense team kun nata haloy an pre-trial conference process para sa impeachment ni Bise Presidente Sara Duterte.
Sinabi pa kaini na bako man suboot totoo na kulang an mga ini sa staff kun kaya maluway an proseso kan pagmarka kan mga dokumento.
Ipigdepensa man ni Poa an saindang desisyon na magkaigwa nin separadong marking kan mga dokumento imbes na gibohon ini sa mungkahi na common markings kan piskalya para sa mga dokumentong kapot kan mag-ibong na lado.
Punto pa niya na an insidente kansuudma nin pagka-aga kun sain nadiskubre na igwang nawawarang pahina sa bersyon kan dokumento na kapot kan piskalya kumpara sa kopya kan depensa.
Paliwanag pa kan defense team na masunod sinda sa proseso oras na matapos na an pre-trial conference sa impeachment ni Bise Presidente Sara Duterte.
Dugang pa ninda na makalihis an pagmarka kan evidencia asin pagsumiter kaini sa impeachment court, mapaluwas na nin pre-trial order an korte, na kinakaipuhan pang magsumiter nin komento an mag-ibong na lado kan House prosecution panel asin defense team.
Dai niya man suboot masasabing delayed na an impeachment proceedings huli ta nakataalan an deadline kan pre-trial conference sa Hunyo 25, 2026.
