Binawian nin buhay an kaenot-enoting pasyente kan pig-aapod na Shamonda virus sa France kasunod kan pagkahawa kaini sa nasabing helang.
An nasabing virus an komon sanang nakakakaapektar sa mga hayop siring kan baka, alagad sa ngunyan pa sana nai-report an kaenot-enoting kaso kaini sa tawo.
Mantang pig-aadalan pa kun pano napasa sa tawo an nasabing virus, suspetsa man kan mga otoridad na pwedesir ining napasa sa biktima kan makagat ini kan insektong nagdara kan nasabing virus hale sa mga hayop.
Mantang pigdoon kan gobierno na amay pa nganbing sabihong huma ini sa publiko, padagos man na nakatutok ang mga eksperto kan European Centre for Disease Prevention and Control (ECDC) sa nai-report na pagkagadan kan biktima.
Basado sa ECDC, ngunyan na Oktubre nagadan an pasyente mantang nagpaparahay hale sa sarong malalang helang, rason kun kaya mas marikas na nahawaan kan impeksyon kumpara sa ibang tawo.
