Posibleng i-adjust kan defense team ni Vice President Sara Duterte an paagi kan paglalahad kaini nin mga argumento asin ebidensya sa impeachment trial, kasunod kan mga komento hali sa senator-judges.
Segun ki Defense spokesperson Atty. Michael Wesley Poa, ipigkokunsiderar ninda an opinyon kan mga senador bilang constructive feedback na makakatabang ngani na maaraman kun malinaw asin epektibong naipapahiling kan depensa an saindang mga punto.
Sinabi ni Poa na kun igwang mga argumento o ebidensyang dae nagin malinaw o dae nag-register sa mga Senator-judges, pwedesir nindang i-recalibrate an saindang presentasyon.
Tinawan duon niya na importanteng masabutan kan mga Senator-judges an posisyon kan depensa huli ta sinda an madesisyon sa impeachment case.
Sa ibong kaini, dae ibinuyagyag ni Poa an mga partikular na adjustment o argumento na saindang paghahandaan.
Segun pa sa abogado na magkakaiba an estilo kan kada defense counsel sa cross-examination asin oral arguments, kaya pag-oolayan kan saindang team an kinakaipuhan na pagbabago sa saindang approach.
