Magpapaotob an Philippine National Police (PNP) nin full alert status sa bilog na nacion puon Oktubre 30 hasta Nobyembre 2 antes an obserbasyon kan All Saints’ Day asin All Souls’ Day o Undas.
Segun ki PCol. Allen Rae Co, ang hepe kan Public Information Office kan Philippine National Police (PNP), na obheto kaini an nganing magin mapayapa an pagbiyahe kan mga mauli sa saindang provincia siring man an pagbisita kan publiko sa mga kamposanto.
Magpapalakop an kapulisan nin 72, 501 na mga pulis afuera pa sa haros 17,000 na mga personalidad hale sa Armed Forces of the Philippines, Philippine Coast Guards asin iba pang ahensya.
Igwa man na mahigot na ugnayan an mga kapulisan sa iba’t-ibang local government units nganing masierto an pagpapalaganap ninda nin seguridad.
