LEGAZPI CITY-Uminabot sa 14 katawo an nagadan asin 37 an nairido huli sa panibagong pag’atake kan Israel sa Lebanon, susog sa health ministry.
Kabali sa mga biktima an duwang aki asin duwang babae, mantang sarong Israeli militar man an nagadan.
Nagpatanid man an Israeli military sa mga residente na mag-ebakwar sa nagkapirang banwaan asin nagsabi na an operasyon nagpupuntirya sa mga mandirigma asin armas kan Hezbollah huli sa suboot pagbalgar sa ceasefire.
Nagsimbag man an Hezbollah asin padagos an saindang pag-atake hasta nagpapadagos pa an operasyon kan Israel sa saindang teritoryo.
Sa ibong kan ceasefire, pinangenotan kan Estados Unidos, an sitwasyon na nagtetenir na maluya an sitwasyon mantang nagpapdagos an palitan kan opensiba ka nduwang kampo.
Susog sa mga report, uminabot na an numero kan mga nagadan sa labi 2,500 poon kan liwat na magbalik an labanan kan Marso, kaiba an mga sibilyan, kababaihan, asin mga jovenes.
