LEGAZPI CITY-Tinawan doon kan sarong grupo nin mga obrero na bako dapat double standard an aksyon laban sa mga nagtatanggol sa China asin Estados Unidos.
Sa ibong ini kan nagin simbag ni Defense Secretary Gilbert Teodoro asin Spokesperson of the Philippine Coast Guard for the West Philippine Sea Jay Tarriela laban sa China.
Segun ki Bukluran ng Manggagawang Pilipino Chairman Leody De Guzman, sa intrevista kan Bombo Radyo Legazpi, na dapat pareho sana an aksyon sa mga dayuhan, orog na haloy na panahon man na sinakop kan Amerika an Pilipinas poon kan 1891 – 1901 kun sain kadakol an nagadan na Pilipino asin kinamkan kaini an yaman kan Pilipinas, matang pinagsamantalahan an mga obrero sa nacion.
Pigkwestyon man niya kun gurano kagabat an pakikipaglaban sa China, asin kun igwang epekto ba ini para sa mga obrero.
Suhestyon man niya na dapat makipaglaban an nacion, kun matino na an gobierno asin warang kurasyon o dinastiya.
Dugang pa kan opisyal na makikinabang sana digdi an darakulang korporasyon sa pagmimina asin an siste, magigin contractual an mga obrero asin magigin pobre an mga namamanwaan.
Dapat man suboot na makipag-olay sa China asin magkaigwa nin diplomacy huli ta warang kalaban-laban an nacion sa China kun pag-oolayan an mga armas asin kapangyarihan.
Alagad sa ibong kaini, dapat man suboot na magpakusog an Pilipinas asin kaipuhan na mapalayas an mga base militar ngani mapoonan an pakikipag-olay kan nacion sa China
