Inihayag kan Department of Energy (DOE) na imposibleng maibalik sa P60/litro an presyo kan krudo asin petrolyo huli sa epekto kan giyera sa Middle East.
Segun ki Energy Secretary Sharon Garin, huli ini sa structural damages na saro sa mga epekto kan giyera sa rehiyon, kun sain tinawan duon man kan kalihim na wara pa nin kasyertuhan kun nuarin matatapos an giyera asin kun gano kahaloy an pag-ayos kan mga oil-related facilities.
Sinabi pa ni Garin na kun naghaloy sana nin duwang semana an iriwal, mas dakula an posibilidad na mabalik sa dating lebel an mga presyo, alagad huli ta pirang semana na an nakalihis, dae suboot marikas na mabababa an presyo kan produkto.
Mientrastanto, sa ibong kaini, pigsierto man ni Garin na padagos an pagdistribwer kan gobyerno nin fuel subsidy para sa mga driver na apektado kan halangkaw na presyo kan gasolina.
Afuera kaini, igwa suboot nin iba pang mga programa na ilulunsar nganing maibsan an epekto kan halangkaw na presyo kan krudo sa mga motorista, arug kan pag-implementar nin diskwento para sa mga jeepney drivers na itatao sa mga drivers sa laog nin tulo hasta apat na bulan.
 announced that it is impossible to restore the price of crude oil and petroleum to P60/liter due to the impact of the war in the Middle East.){kind=link}