LEGAZPI CITY-Pighikayat kan Commission on Human Rights (CHR) an gobierno asin gabos na sektor kaini, na orog pang pakusugon an prayoridad asin proteksyon kan mga kajovenesan sa sa pag-obserbar kan National Children’s Month ngonian na Nobyembre.
Sinabi pa kan komisyon na an proteksyon kan mga kaakian dapat na masierto sa paagi nin pagigin andam—antes pa man ini, habang, asin makalihis an mga sakuna o emerhensya.
Idinoon man kan komisyon na an pag-ataman sa mga jovense dapat na inclusive, na pigsisierto an warang nawawalat, orog na an mga kaakian na igwang kapansanan.
Pangapodan man ngonian na taon an temang “Stand Up! Respond and Care: With Prepared Children, the Nation Is Safer,”na nagduduon kan importansya kan pag-enot kan kaligtasan kan mga jovenes sa panahon nin manlaen-laen na kalamidad, arog kan mga bagyo, baha, linog, asin armed conflict.
Pigduon man kan komisyon an pangangaipo para sa masarig na proteksyon para sa mga jovenes laban sa online sexual abuse asin exploitation.
