LEGAZPI CITY-Kinuwestyon kan grupo nin mga paraooma an legalidad kan pag-import asin pagpapabakal nin bagas kan duwang korporasyon na kadsadiri o kontrolado kan gobierno.
Segun kay Federation of Free Farmers Chairman Leonardo Montemayor, sa intrevista kan Bombo Radyo Legazpi na wara sindang basehan ngani tugutan an pag-angkat nin bagas kan mga ini asin pwedisir sindang makasuhan sa Ombudsman.
Dagdag pa niya na dehado na an gobierno huli ta an kwartang imbes na gamiton para sa mga paraooma, an ginamit sa ibang bagay.
Sinabi pa kan opisyal na apektado kaini an mga farmers asin saro ining basehan ngani magsangat nin graft case sa Ombudsman.
Mensahe man ni Montemayor na haloy nang preparado an paraooma ngani makipagtabangan sa gobierno orog na sa panahon kan krisis ngani dai maapektaran an suplay asin produksyon kan mga pangenot na pagkakan orog na kan bagas.
Alagad tinawan doon niya na dapat tupadon man kan gobierno asin kan Department of Agriculture an saindang trabaho na makapagtao nin tamang ayuda asin suporta sa mga paraooma asin parasisira.
