LEGAZPI CITY-Padagos na nagdadakol an demand kan Ube sa internasyonal na merkado, alagad an Pilipinas napapaatubang sa kakulangan nin suplay ngani masimbagan an pangangaipo kaini, susog sa Department of Agriculture (DA).
Ginagamit na an Ube sa manlaen-laen na produkto sa ibang nacion, kabale na an mga inomon, panghimagas, asin iba pang kakanon.
Huli kaini, temporamenteng sinuspindir kan Departamento an pagluwas nin mga Fresh Ube asin mga materyales sa pagtanom nganing enot na mapakusog an produksyon sa laog kan nacion.
Segun ki Agriculture Secretary Francisco Tiu Laurel Jr., kulang an Pilipinas nin supisyenteng materyales sa pagtanom; kaya, kaipuhan enoton an pagpapadakol kan lokal na pananom antes an mahiwasang pag-export.
Katuyuhan kan lakdang na masimbagan an kakulangan nin planting stock asin madugangan an produksyon nin Ube sa laog kan Pilipinas antes na agresibong ipagpursigi an mas dakulang internasyonal na merkado.
Pighihiling kan gobyerno an Ube bilang sarong potensyal na export product para sa nacion mantang padagos ining nagkakaigwa nin popularidad sa pankinabang merkado.
