LEGAZPI CITY-Gadan sa nangyaring pambabadil an 67 anyos na paraooma sa Purok 4, Sitio Lilibdon, Barangay Maogog, sa banwaan kan Jovellar, Albay.
Segun ki Jovellar Municipal Police Station Officer Incharge Police Captain Rommel Aringo, sa intrevista kan Bombo Radyo Legazpi, na nangyari an insidente bandang alas 10:00 nin banggi kan Pebrero 28 asin pinaabot an impormasyon kan punong barangay kan Marso 1 nin pagka-aga.
Nakapag-kondusir man sinda nin imbestigasyon sa nasabing area asin narekober an 9mm na basyo nin bala asin caliber .45 na badil.
Dugang pa kan opisyal na nasa 67 km an distansya kan police station sa pinangyarihan kan insidente, asin secluded an area kaya warang CCTV o anumang komunikasyon na makakatabang sa imbestigasyon.
Basado man sa pahayag kan agom kan biktima, nangyari an insidente makalihis igwang magtuktok sa saindang harong na duwang lalaki na nakasulot nin itom asin pig-aapod an nabanggit na biktima.
Pirang oras suboot kan magluwas ini, nakadangog an agom kan biktima nin putok asin huli sa takot dai na niya naabutan o nahiling kun nagsain na an mga suspek.
Sa statement kan pamilya kan biktima, wara man suboot ini nin kaiwal, kun kaya nangangapudan an pulisya sa mga residente kan barangay o mga posibleng nakahiling sa insidente na makipagkoordinar sa saindang himpilan.
Mientrastanto, padagos man suboot an imbestigasyon ngani maaraman an motibo kan mga suspek sa likod kan nasabing pambabadil.
