Inaprubaran na kan House Committee on Energy an propuestong ley na obhetong halion an system loss charge sa singil sa kuryente.
Sa irarom kan nasabing propuesto, obheto na dae na ipasa sa consumers an gastos na kawsa kan inefficiency asin non-technical losses sa sistema kan distribusyon nin kuryente.
Hagad man kaini na pahewason an paggamit nin sadiring power generation system sa mga kaharungan.
Katakod kaini, nagbilog man an Department of Energy (DOE) nin sarong inter-agency task force ngani na maparikas an pagpaplano asin pagsasakatuparan kan obheto na ini.
Afuera digdi, inaprubaran man sa nasabing pagdangog an suway na propuestong “Sariling Kuryente Act.”
Obheto kaini na parikason an paglalaag asin paggamit nin solar power asin energy storage systems sa mga harong ngani na matabangan an mga namamanwaan namakatipid asin mabawasan an pagdepende sa power grid.
Oras na naipasar na asin ganap na ley, aamyendaran kan mga ini an Republic Act No. 9136 o an Electric Power Industry Reform Act (EPIRA).
