LEGAZPI CITY-Ipighayag kan sarong abogado na mas kalmado asin detalyado an pre-trial proceedings sa International Criminal Court (ICC) kumparar sa Pilipinas.
Segun kay Influencer Lawyer Atty. Carlo Ybanez, sa intrevista kan Bombo Radyo Legazpi na ibang-iba an trial sa ICC kun sain napaka-organisado, asin warang naglalagpas sa time limit.
Ipig-halimbawa niya an presentasyon kan prosekusyon kan mga ebidensya maski pa ‘sampling evidences’ pa sana ini.
Pinaliwanag man ni Atty. Ybanez na dai pa required an prosekusyon na ipresentar an bilog na kaso asin ebidensya huli ta dai pa napapatunayan an “guilt beyond reasonablr doubt” kan akusado na si dating Presidente Rodrigo Duterte.
Inomaw man niya an magayon na theory kan prosekusyon kun sain pig-patunayan ninda sa paagi kan mga ebidensya hale mismo sa mga taramon ni Duterte.
Dagdag pa niya na na-relate kan prosekusyon an suboot ‘killings’ sa dating Presidente sa paagi kan mga detalyadong videos na pig-presentar sa ICC.
Mientrastanto, inomaw man kan abogado an presentasyon kan mga Filipino lawyers huli sa literary English na ginamit sa ICC kumparar naman sa Conversational English kan mga Foreign Lawyers.
Saro suboot ini sa mga reflection na pinag-aadalan kan mga abogado an saindang opening asin ending statement sa Pilipinas.
