Inarestar kan Sri Lanka an saindang dating first lady na si Shiranthi Rajapaksa sa pagkadawit kaini sa suboot katiwalian sa paggamit kan pondong nakatagama para sa sarong children’s hospital.
Mapadapit ini sa 10 million rupees o $30,300 na kantidad nin donasyon na nakolekta kan Siriliya Saviya charity ni Rajapaksa para sa positron emission tomography (PET) scanner para sa sarong cancer hospital kan mga joven sa Sri Lanka.
Basado man sa nakalihis na imbestigasyon, donasyon kan Chinese government ang nasabing scanner alagad sa ibong kaini an nagpadagos man liwat an charity ni Rajapaksa sa pangangalap ng donasyon asin suboot ginamit pa sa katiwalian.
Inarestar an ang 73-anyos na agom ni dating presidente Mahinda Rajapaksa sa harong kaini sa Colombo asin nakatalaang maghampangh sa hukuman, ayon sa Commission to Investigate Allegations of Bribery or Corruption (Ciaboc).
Segun sa report, gikan sa Singapore kan Setyembre 16 nganing magbulong kan sinunadan ini nin orden kan saindang hukuman na magtao nin pahayag mapadapit sa saiyang charity.
Kan Lunes, naglupad pabalik sa Sri Lanka si Rajapaksa nganing magsunad nin petisyon laban sa saiyang pag-aresto alagad an pagdangog para sa paenot na piyansa an nakatakda pa sa Oktubre 12.
Pignigaran man kan dating first lady na igwa ining kinaaraman sa mga ipinaratang laban saiya huli sa dae man winaldas ang nakalap na pondo kan saiyang charity.
