Inihayag kan Malacañang na warang epekto sa paglilitis kan International Criminal Court ki dating Presidente Rodrigo Duterte an pangapudan ni US President Donald Trump sa mga miyembro kan ICC na maghali sa international tribunal.
Segun ki Palace Press Officer Claire Castro, nagpapadagos an proceedings sa ICC asin padagos na nakikipartisipar an mga complainant, abogado, prosecutors, asin defense team ni Duterte.
Nakatalaan an pagbubukas kan trial sa November 30, 2026.
Sinabi ni Castro na pigrerespeto kan Pilipinas an posisyon kan US, alagad dae pa napapanahon ngani na liwat na magbali an nacion sa ICC.
Nagtetenir suboot na warang pagbabago sa posisyon ni Presidente Ferdinand Marcos Jr. dapit sa nasabing orolay.
Marurumduman na naghali an Pilipinas sa Rome statute kan March 2019.
Siring man, pinagtibay kan ICC appeals chamber kan April 2026 an jurisdiction kaini sa kaso ni Duterte, katakod kan suboot krimen na nangyati mantang miyembro pa kan Rome statute an Pilipinas.
Si Duterte an nahahampang sa tulong counts nin crimes against humanity katakod kan suboot nangyaring pang-aabuso durante kan war on drugs.
